4 Avgjerda i EØS-komiteen

Avgjerda i EØS-komiteen vil innehalde ei innleiing og tre artiklar, med sikte på deltaking for EØS-EFTA-statane i MP II. I innleiinga vil det verte vist til artikkel 86 og 98 i EØS-avtala, som gjer det mogleg for EØS-komiteen å vedta endringar av vedlegga til avtala.

Artikkel 1 i utkastet slår fast at artikkel 12 i protokoll 31 i EØS-avtala får eit tillegg om at avtala òg skal omfatte europaparlaments- og rådsforordning 1692/2006/EF av 24. oktober 2006 (Marco Polo II) og at forordning 1382/2003/EF av 22. juli 2003 vert oppheva (TEU L 328 av 24.11.2006, s.1).

Artikkel 2 i utkastet slår fast at avgjerda i EØS-komiteen tek til å gjelde dagen etter at EØS-komiteen har motteke meldingar frå alle partane i komiteen i medhald av artikkel 103 nr.1 i EØS-avtala.

Artikkel 3 slår fast at avgjerda i EØS-komiteen skal kunngjerast i EØS-avdelinga av og EØS-tillegget til Tidend for Den europeiske unionen.