1 Innleiing

Samferdselsdepartementet legg i denne proposisjonen fram ein del saker under programkategoriane 21.10 Administrasjon m.m., 21.30 Vegformål, 21.40 Særskilde transporttiltak, 21.50 Jernbaneformål og 22.10 Post og telekommunikasjonar.

Proposisjonen gjeld desse sakene:

• Departementetet foreslår å auke løyvinga på kap. 1300, post 70 Tilskot til internasjonale organisasjonar, med 2,2 mill. kr mot tilsvarande reduksjon av kap. 1301, post 21 Utgreiingar om miljø, trafikktryggleik mv.

• For prosjektet E18 Momarken – Sekkelsten gjer departementet greie for styrings- og kostnadsramme etter ekstern kvalitetssikring.

• Samferdselsdepartementet orienterer om at staten kan ta ein viss risiko for oljeprisutviklinga ved forhandlingane med ferjeselskapa om nye driftsavtalar.

• Stikkordet « kan overførast » blir foreslått tilføydd løyvinga under kap. 1330, post 74 Kompensasjon for el-avgift for elektrifisert skinnegåande transport.

• Departementet foreslår å auke løyvinga på kap. 1350, post 22 Omstruktureringskostnader, med 30 mill. kr.

• Det blir foreslått å korrigere feilføring i Jernbaneverkets rekneskap for 2004.

• Løyvinga på kap. 4380, post 01 Diverse avgifter og gebyr, blir foreslått auka med 1,322 mill. kr.