4 Avgjerda i EØS-komiteen

Med sikte på deltaking for EFTA-statane i Det europeiske året for funksjonshemma vil EØS-komiteen vedta ei endring av protokoll 31 i EØS-avtala, slik at avtala òg omfattar denne verksemda. I innleiinga til utkastet til avgjerd vert det vist til artikkel 86 og 98 i EØS-avtala, som gjer det mogleg for EØS-komiteen å endre vedlegga og visse protokollar i avtala.

Artikkel 1 i utkastet slår fast at rådsavgjerd 2001/903/EF vert innlemma i artikkel 5 i protokoll 31 i EØS-avtala.

Artikkel 2 slår fast at avgjerda i EØS-komiteen tek til å gjelde frå 1. januar 2002 på det vilkåret at EØS-komiteen har motteke melding frå alle partane i komiteen i medhald av artikkel 103 i EØS-avtala.

Artikkel 3 slår fast at avgjerda skal kunngjerast i EØS-avdelinga av og EØS-tillegget til Tidend for Dei europeiske fellesskapa.