2 Konstituering og val
2.1 Avslutning av den 61. generalforsamlinga
Den 61. generalforsamlinga vart formelt avslutta 17. september 2007.
2.2 Oppnemning av delegasjon til den 62. generalforsamlinga
Til å representere Noreg på FNs 62. generalforsamling vart denne delegasjonen oppnemnd:
Statsminister Jens Stoltenberg, leiar
Utanriksminister Jonas Gahr Støre, nestleiar
Miljø- og utviklingsminister Erik Solheim, nestleiar
Ambassadør Johan Ludvik Løvald, nestleiar
Stortingsrepresentantar:
1. del av sesjonen
Gunnar Kvassheim
Inger Enger
Øyvind Halleraker
Eirin Sund
Båra Hoksrud
Truls Wickholm
2. del av sesjonen
Inge Ryan
Anne-Marit Bjørnflaten
Bjørg Tørresdal
André Oktay Dahl
Jorodd Asphjell
Henning Skumsvoll
Observatørar:
Landsorganisasjonen i Noreg, LO
Næringslivets hovudorganisasjon, NHO
Redd Barna
FN-sambandet
Senterungdomen
Kyrkjerådet for økumeniske og internasjonale relasjonar
Internasjonal kvinneliga for fred og fridom
Noregs kristelege studentforbund
2.3 Organisering av den 62. generalforsamlinga
Den 62. generalforsamlinga vart opna den 18. september 2007. Generaldebatten starta 25. september og vart avslutta 3. oktober.
2.4 Konstituering og val
Den 62. generalforsamlinga valde den tidlegare makedonske utanriksministeren og FN-ambassadøren Srgjan Kerim til president.
Generalforsamlinga valde 16. oktober desse fem nye medlemene til Tryggingsrådet for toårige periodar: Kroatia (vann over Tsjekkia), Costa Rica (vann over Den dominikanske republikken), Vietnam, Libya og Burkina Faso.
Den 62. generalforsamlinga valde desse 18 statane som nye medlemer av ECOSOC for perioden 2008–2010: Brasil, Kamerun, Kina, Kongo (DRC), Island, Malaysia, Moldova, Mosambik, New Zealand, Niger, Pakistan, Polen, Sør-Korea, Russland, Saint Lucia, Sverige, Storbritannia og Uruguay.